Gæði og áreiðanleiki

 Alvogen er lyfjafyrirtæki á Íslandi sem selur lyf, lækningatæki og aðrar heilsutengdar vörur. Fyrirtækið hóf sölu sína á lyfjum á Íslandi árið 2014, eftir að hafa keypt lyfjafyrirtækið Portfarma sem hafði verið starfrækt frá árinu 2005 og markaðssett um 50 lyf ásamt ýmsum heilsutengdum vörum. Í dag er Alvogen með á markaði um 100 lyf á Íslandi sem eru ýmist framleidd fyrir Alvogen eða Alvogen er umboðsaðili fyrir. Fyrirtækið markaðssetur einnig yfir 200 heilsutengdar vörur sem eru seldar í öllum helstu apótekum landsins.

Alvogen er alþjóðlegt lyfjafyrirtæki sem leggur áherslu á þróun, framleiðslu og sölu samheitalyfja og lausasölulyfja um allan heim. Markmið félagsins er að bjóða hágæða lyf á lægra verði og draga þannig úr kostnaði í heilbrigðisstarfsemi.

Starfsmenn Alvogen um allan heim eiga það sameiginlega markmið að vilja gera heiminn að betri stað fyrir börn. Í gegnum góðgerðarsjóð Alvogen, Better Planet, eigum við í samstarfi við fjölmörg góðgerða- og styrktarsamtök á mörkuðum félagsins.