Rizatriptan Sumar Pharma

Rizatriptan Sumar Pharma inniheldur virka efnið rizatriptan. Það er í flokki lyfja sem nefnast sértæk 5-HT1B/1D viðtakaörvandi efni. Rizatriptan Sumar Pharma er notað til að meðhöndla mígreniköst, með eða án fyrirboða. Rizatriptan Sumar Pharma er notað til að meðhöndla höfuðverk vegna mígrenikasta hjá fullorðnum. Áhrif rizatriptans í meðferð á mígreni gæti byggst á örvun 5-HT1B og 5-HT1D viðtaka, sem eru á æðum utan á heilanum og á skyntaugum frá þrenndartauginni sem liggja til þessara æða. Æðarnar eru taldar víkka út í mígrenikasti og veldur það sársauka. Virkjun þessara 5-HT1B og 5-HT1D viðtaka getur leitt til samdráttar æðanna sem valda sársaukanum og til hömlunar á losun taugaboðefna. Þetta leiðir til minni bólgu og færri sársaukaboða um þrenndartaugina til heilans.

Ábendingar:

• Bráð meðferð við höfuðverk tengdum mígreniköstum, með eða án fyrirboða hjá fullorðnum.

Frábendingar:

• Ofnæmi fyrir rizatriptani eða einhverju hjálparefnanna
• Samhliðagjöf mónóamínoxídasa (MAO) hemla, eða ef minna en tvær vikur eru liðnar frá því að meðferð með MAO-hemlum lauk
• Rizatriptan Sumar Pharma er ekki ætlað sjúklingum með verulega skerðingu á lifrar- eða nýrnastarfsemi.
• Rizatriptan Sumar Pharma er ekki ætlað sjúklingum sem fengið hafa heilablóðfall (CVA, cerebrovascular accident) eða tímabundna blóðþurrð í heila (TIA; transient ischemic attack).
• Hár blóðþrýstingur, meðalhár eða verulegur, einnig ómeðhöndlaður vægur háþrýstingur.
• Staðfestur kransæðasjúkdómur, þ.á.m. blóðþurrðarsjúkdómar (hjartaöng, fyrra hjartadrep eða staðfest einkennalaus blóðþurrð), einkenni um blóðþurrðarsjúkdóm eða Prinzmetals hjartaöng.
• Útæðasjúkdómar.
• Samhliðanotkun rizatriptans og ergotamins, ergot afleiða (þ.á.m. methysergids), eða annarra lyfja sem örva 5-HT1B/1D viðtaka

Markaðsleyfishafi: Alvogen ehf.