Quetiapin Alvogen

Quetiapin Alvogen inniheldur virka efnið quetiapin. Það tilheyrir flokki lyfja sem nefnast geðrofslyf. Quetiapin er óhefðbundið geðrofslyf. Quetiapin og virka umbrotsefnið í plasma hjá mönnum, norquetiapin, milliverka við ýmsa viðtaka taugaboðefna. Quetiapin og norquetapin hafa sækni í serótónínviðtaka (5HT2) og dópamín D1 og D2 viðtaka í heila. Þessi samsetning á viðtakablokkun með meiri sækni í 5HT2 en D2 viðtaka er talin eiga þátt í klínískt sefandi eiginleikum quetiapins og lágri tíðni utanstrýtu (extrapyramidal) aukaverkana samanborið við dæmigerð geðrofslyf

Ábendingar:

Quetiapin er ætlað sem:

• Meðferð við geðklofa.
• Meðferð við geðhvarfasýki: 
  - Meðferð við miðlungi miklum til alvarlegum oflætislotum í geðhvarfasýki.
  - Meðferð við alvarlegum þunglyndislotum í geðhvarfasýki.
  - Til að fyrirbyggja endurkomu oflætis- eða þunglyndislotu hjá sjúklingum með geðhvarfasýki sem hafa áður svarað meðferð með quetiapini.
• Viðbótarmeðferð við alvarlegum þunglyndislotum hjá sjúklingum með alvarlegt þunglyndi (Major Depressive Disorder [MDD]) sem ekki hafa svarað nægilega vel meðferð við þunglyndi með einu lyfi. Áður en meðferð hefst skulu læknar hafa öryggi notkunar quetiapins í huga.

Frábendingar: 

• Ofnæmi fyrir virka efninu eða einhverju hjálparefnanna.
• Ekki má nota cytochrom P450 3A4 hemla, svo sem HIV-próteasa hemla, azól sveppalyf, erythromycin, clarithromycin og nefazodon, samhliða quetiapini

Markaðsleyfishafi: Alvogen ehf.