Desmopressin Zentiva

Desmópressín Zentiva inniheldur virka efnið desmópressín. Það tilheyrir flokki lyfja sem nefnast hormón afturhluta heiladinguls. Desmópressín hefur sömu virkni og náttúrulega hormónið vasópressín og dregur úr þvagframleiðslu í nýrum.

Ábendingar:

Desmopressin Zentiva er notað við:

• Flóðmigu tengdri miðtaugakerfi (röskun á starfsemi heiladinguls sem veldur miklum þorsta og losunar á miklu magni þvags, oftast föllitað og líkt vatni).
• Næturvætu hjá börnum frá 5 ára aldri með eðlilega starfsemi á þvagmyndun (ósjálfráð næturþvaglát).
• Næturþvaglátum hjá fullorðnum yngri en 65 ára (ástand þar sem einstaklingur vaknar oft að nóttu til að losa þvag).

Frábendingar:

• Ofnæmi fyrir virka efninu eða einhverju hjálparefnanna.
• Þráláttur vanabundinn ofþorsti og ofþorsti af geðrænum toga (sem veldur meiri þvagframleiðslu en 40 ml/kg/24 klst.).
• Grunur um eða þekkt hjartabilun eða aðrir sjúkdómar sem þarf að meðhöndla með þvagræsilyfjum.
• Í meðallagi alvarleg eða alvarleg nýrnabilun (kreatínínúthreinsun minni en 50 ml/mín).
• Þekkt blóðnatríumlækkun.
• Truflun á seytingu þvagstemmuvaka (SIADH).
• Sjúklingar yngri en 5 ára, ef lyfið er notað til meðferðar við ósjálfráðum næturþvaglátum á forstigi.
• Sjúklingar eldri en 65 ára, ef lyfið er notað til meðferðar við ósjálfráðum næturþvaglátum eða næturþvaglátum á forstigi.
• Sjúklingar sem ekki geta virt takmarkanir á vökvaneyslu.

Markaðsleyfishafi: Zentiva k.s.